Både Kjetil S. Østli og Haakon står som forfattarar. Østli fører Haakon sine ord i pennen, men har òg mange refleksjonar undervegs der han går i helane på kronprinsen i to år.
Eg skjønar terningkasta som kom. Dette var ei kjekk bok å lese. Og lett. Vi blir kjent med tankane, veremåten og livet til den dåverande kronsprinsen. Eg ler av Østli som ikkje heilt får med seg kleskodane, heng bakpå då han skal på NATO-øving mm. Og eg les med interesse om den litterære bagasjen den nye kongen har med seg. Tankane hans om klimautfordringar, 22.juli, det å vere far, bror, son. Og ektemann. Om ferie i ei fangsthytte på Svalbard, bobiltur i California - om å vere familie.
Og om å reise vekk for å få lov til å bare vere Haakon, ikkje kronprins. Kjærleiken til Mette Marit lyser gjennom boka, og frustrasjonen over kor tøft det var å møte pressa i kvar busk i tida før ekteskapet.
I boka Kongen forteller av Harald Stanghelle seier kong Harald om sonen: "Han er en klok fyr. Det kommer til å gå bra med ham når den tid kommer." Eg trur eg er einig med kong Harald her.
Eg tilrår!
----
Forfattar: Kjetil S. Østli og H.K.H kronprins Haakon
Språk: Norsk (bokmål)
År: 2023
Forlag: Cappelen Damm
Boka er lånt på biblioteket